नागपुरी कविता - दुश्मन
अशोक "प्रवृद्ध"
ऊ दुश्मन
जे के हम
देईख सकिला साफ़ - साफ़
ईसन दुश्मन
अक्सर दूर - दूर रहयनां
कखनो - कखनों ही
फटकयनां आस - पास
उनकर करल प्रहार से
अक्सरहा बईच जाईला हमरे
ऊ दुश्मन
जे के हमरे दुश्मन नी समझीला
अक्सरहा रहयनां आस - पास
ऊ बुराई मन नीयर
जे रहयनां हमरे कर साथ
आदत मन नीयर
ईसन दुश्मन कर वार से
बईच नी पावीला (सकिला) हमरे
ईसन दुश्मन कर
कोनों नाव (नाम) नी होवेला
कोई टिप्पणी नहीं:
एक टिप्पणी भेजें