नागपुरी कविता - गरीब कर पेट
गरीब कर पेट
एगो मशीन हके
जे एक दिन कर खाना से भी
चलाय लेवेला दू - चाइर दिन तक काम।
जब सब वैज्ञानिक
व्यस्त हैं
अपन - अपन प्रयोग में
कि कैसे ऊर्जा कर खपत कम होवी
तब एगो गरीब
सहस्राब्दी कर नोबेल पुरस्कार जीत लेवेला
कालेकि अपन जीवन में ऊ
एक तिहाई या आधा
ऊर्जा बचायके राखेला
बिना कोनो खर्चा के।
आउर इ कोनो नावा बात नखे
इ तो हजारों साल
से होते आवथे
तब भी
वैज्ञानिक मन
व्यस्त हैं
ऊर्जा कर बचत कर चक्कर में।
कोई टिप्पणी नहीं:
एक टिप्पणी भेजें